Manumālō le Rose ‘a Egelani ‘i le Silver Ferns ‘a Niu Sila

Na manumālō le ‘au ‘a le Rose ‘a Egelani ‘i le Silver Ferns ‘a Niu Sila,’i le ta’aloga lona lua mō le ta’amilosaga ‘o le Taini Jamison Trophy, sā faia ‘i le fale ta’alo ‘a le Te Rauparaha Arena ‘i Porirua ‘i le afiafi ananafi.

Na manumālō le ‘au ‘a Niu Sila ‘i ‘ai ‘e tolu ‘i le kuata muamua, ma ‘ai silia ‘i le ‘ai ‘e tasi ‘i le ‘afa ‘o le ta’aloga, peita’i na toe tuli ‘e Egelani ‘ai ma ‘ai silia ai ‘i ‘ai ‘e ono ma manumālō ai. Na fa’aalia ‘e le kapeteni ‘a le Silver Ferns Ameliaranne Ekenasio, ‘e tele vāega ‘e mo’omia ‘ona fa’aleleia, sa fa’alētonu ai lā lātou ta’a’alo. ‘O le ta’aloga lona tolu ‘e faia lea ‘i Invercargill ‘i le Aso Sā, ma ‘o le lona fā ai lea ‘ona ta’a’alo ‘au ‘e lua ‘i Invercargill.

ATA: Silver Ferns Parris Mason (L) with England Liv Tchine during game 2 of the Taini Jamison Trophy. (Source: Photosport) – 1News