Manumālō le ‘Olopeleki ‘i le Sharks; 54 – 0

Na manumālō le ‘Olopeleki ‘i le Sharks, ‘e 54 ‘i le lēai ‘i le ta’aloga analeila ma ‘ua lua ai manumālō ‘o le ‘Olopeleki ‘i lana malaga ta’amilo ‘i ‘Aferika ‘i Saute.  Na tele polo na maua ‘e le Sharks ‘i le ‘amataga ‘o le ta’aloga peita’i na ulua’i sikoa le ‘Olopeleki, ma na maua lea ‘e Fehi Fineanganofo.  Na soso’o ai le sikoa ‘a Damien McKenzie, ‘ae na mālōlō ‘i tua ‘ona ‘o se manu’aga ma sui tūlaga atu ‘i ai Emoni Narawa.

‘O isi sikoa ‘o le ta’aloga na maua ‘e Caleb Clarke, Jordie Barrett, Kyle Preston, Timoci Tavatavanawai ma le sikoa lona valu ‘o le loka ‘o Sam Darry.  ‘E lua sikoa na maua ‘e Fineanganofo.

Na patipati le tāpua’iga ‘ina ‘ua sui atu ‘i totonu le ali’i ‘o Ma’a Nonu mō le ‘au ‘a le Sharks ‘ae sā molimauina le susū ma le vaia ‘o le malae ‘ona ‘o timuga. ‘E tā’a’alo le ‘Olopeleki ma le Bulls ‘i Pretoria ‘i le taeao ‘o le Aso Sa taimi Niu Sila.  ‘Ae na māua ‘i isi tala fou, le malaga atu ‘o le ali’i kapeteni Ardie Sāvea ‘e fa’atasi atu ‘i le ‘Olopeleki.

Link to RNZ (Article): https://www.rnz.co.nz/news/sport/968908/all-blacks-crush-sharks-54-0-in-eight-try-blitz

IMAGE/ATA: All Blacks Facebook