Manumālō le ‘Olopeleki ‘i le Pumas

‘E 42 ‘ai na manumālō ai le ‘Olopeleki ‘i le 10 ‘a le Pumas a Argentina, ‘i le tā’aloga na faia ‘i le malae ‘o Eden Park ‘i ‘Aukilani.  ‘E ono sikoa a le ‘Olopeleki ‘i le tasi ‘a le Pumas. 

‘O le 50 ai lea ‘o tā’aloga faitaulia ‘i le vā ‘o ‘au ‘e lua ‘e le’i faiā’ina lava le ‘Olopeleki ‘i Eden Park.  Na fa’asala Asafo Aumua ‘i le pepa samasama ‘ona ‘o lana pu’e ‘iā Matthew Carreras.  ‘Ua tāpena atu nei le ‘Olopeleki ‘i tā’aloga ‘e lua ma ‘Aferika i Saute, lea na faiā’ina ai le Wallabies ‘i Perth ‘i le pō lava ‘o le Aso To’ona’i.  ‘O sikoa ‘a le ‘Olopeleki na maua ‘e Jordan, McKenzie, Savea, Clarke ma Barrett.  ‘O Mallia na sikoa mō Argentina. 

ATA: All Blacks / FB.