Manumālō le Black Caps ‘i le tā’aloga faitauina lona tolu ma ‘Initia

‘I kilikiti fa’alevāomālō, ‘ua manumālō aoao le Black Caps ‘a Niu Sila ‘e 3 ‘i le lēai ‘a ‘Initia, ‘i le series ‘e tolu tā’aloga faitauina po’o tests ‘i le vā ‘o ‘au ‘e lua.

‘E na’o le 121 ‘ai ‘o ‘Initia na maua ‘i le tuliga ‘o ‘ai ‘e 146 ‘o Niu Sila ‘i la lātou tāga lona lua ‘i lona tolu ‘o aso ‘o le tā’aloga faitauina fa’ai’u lea ‘i le ‘a’ai ‘o Mumbai ananafi.  ‘E maoa’e le mālō lenei ‘o Niu Sila ‘iā ‘Initia, ‘ona ‘ua fa’amuta ai le 18 ‘o mālō soso’o ‘o le ‘au ‘a ‘Initia ‘i series fa’alevāomālō ma ‘au mai fafo ‘i totonu ‘o lo lātou atunu’u.
‘O le ‘au ‘a ‘Initia ‘e pei ‘ona silafia ‘o lo’o siamupini ‘i le lalolagi ‘i kilikiti ‘a le ītūpā ‘o ali’i. 

‘O le tausaga ‘e 2,000 ‘o lo’o gata mai ai ‘ona faia’ina ‘Initia ‘i se series, sā talimālō ai ‘iā ‘Aferika ‘i Saute ma mālō ai ‘Aferika ‘i Saute ‘i tā’aloga faitauina ‘uma ‘e lua ‘o le lā series.
– Reuters

Link to RNZ (article) translated by Savelina Kasiano:https:https://www.rnz.co.nz/news/sport/532725/cricket-black-caps-beat-india-in-third-test-to-complete-famous-3-0-sweep

Ata: Photosport / Saikat Das