Manumālō Jake Paul ‘iā Mike Tyson

Na manumālō Jake Paul ‘i le faipelega ma Mike Tyson ‘i ‘ai ‘i Texas ‘i le po ‘o le Aso Faraile. Na fa’asalalauina ‘i luga ‘o le Netflix le fusu’aga ‘i le vā ‘o Paul, 27 tausaga le matua, ma sā lauiloa ‘i luga ‘o ‘upega ‘o feso’ota’iga, fa’atasi ai ma Tyson, 58 tausaga le matua, ‘o se tasi na ‘avea ma siamupini ‘o le paga mamafa ‘i le lalolagi ‘i tausaga ‘ua  tuana’i. 

Sa taulia ‘uma pepa ulufale ‘o le fusu’aga ‘i le AT & T Stadium ‘i Arlington.  Sa lipotia le fa’anoanoa tele ‘o tagata matamata ‘ona na iloa lava le tūlaga sā iai le mālosi ‘o Tyson ‘e fua ‘i lona matua, ‘ona ‘e na’o le 18 ana tu’i na tau ‘iā Paul ‘ae 78 tu’i ‘a Paul na tau ‘iā te ia.  ‘E 72,300 tagata na iai ‘i le malae ta’alo mō le fusu’aga, silia ma le 120 miliona tagata na maimoaina ‘i luga ‘o le Netflix ma le $20 miliona tālā le tupe ‘o le fusu’aga.  

ATA: Screenshot (Netflix).