Manumālō Fetū Sāmoa ‘i le siamupini ‘o le Pasefika, maua ma lona avanoa ‘e tauvā ai ‘i le Ipu ‘o le lalolagi lakapī liki ‘a tama’ita’i 2025.

‘Ua manumālō le FETŪ SĀMOA, le ‘au lakapī liki ‘a tama’ita’i ‘o Sāmoa, ‘i le siamupini ‘o le ipu fa’a’ofu’ofu po’o le Bowl ‘i le Ta’amilosaga ‘a le Pasefika, ‘i lenei tausaga, ma maua ai ma lona avanoa ‘e tauvā ai ‘i le Ta’amilosaga mō le Ipu ‘o le lalolagi ‘i le tausaga fou, 2025.

‘O le FETŪ SĀMOA ma le BULIKULA ‘a Fiti, na o lā sā’ilia le siamupini ‘o le Pacific Bowl, ‘i ‘Aukilani ‘i le fa’ai’uga ‘o le vāiaso, ma manumālō ai Sāmoa ‘i ‘ai ‘e 16 ‘i le 12.  ‘E tā le mālōloga ‘ua 12 Fiti ‘i le 4 ‘a Sāmoa.  Pe toe tolu mīnute māe’a le taimi ‘o lea taaloga, ‘ae ‘o lo’o sili pea ‘ai ‘o Fiti 12 ‘i le 10.  Peita’i, ‘o lona lua ‘o sikoa ‘a le tama’ita’i kapeteni ‘o Annetta Claudia Nuuausala, na manumālō ai loa le FETŪ SĀMOA, ‘i lea tā’aloga mata’ina ‘i le Aso To’ona’i.

‘I le ītūpā ‘o ali’i, ‘e le’i manuia le taumafai ‘o le TOA SĀMOA ‘i lona lua ‘o tā’aloga faitauina ma le ‘au ‘a ‘Egelani ‘ae sā mata’ina lea fo’i tā’aloga.

Link to RNZ (article) translated by Savelina Kasiano:https:https://www.rnz.co.nz/international/pacific-news/532661/fetu-samoa-win-pacific-bowl-title-and-secure-world-cup-spot

Ata:  Andrew Cornaga / Photosport