Manuia taumafaiga ‘a To’aiva Fa’afia (14) ‘i le ta’amilosaga tāpolo ‘o le Matariki ‘a Shandon

‘O le ta’amilosaga tāpolo mo le Matariki ‘o lenei tausaga ‘a le kālapu tāpolo ‘a Shandon ‘i Lower Hutt, na fa’amanuiaina ai taumafaiga ‘a le tama’ita’i 14 tausaga ‘iā To’aiva Fa’afia, ‘i le Ipu ‘a le Peresentene mo le best stableford, na lā mauaina fa’atasi ma le susuga ‘iā Pat Higgins, ‘i ‘ai ‘e 42 tūtusa.

‘O le tama’ita’i ‘iā To’aiva Fa’afia ‘o se sui ‘o le Wellington Sāmoan Golf Academy. ‘O lenei fa’amanuiaga ‘o le ‘a ‘avea ai To’aiva fa’apea Higgins ma sui ‘o le kālapu ‘a Shandon ‘i le ta’amilosaga tāpolo ‘o le 2025 Halberg District Fied Day.

PHOTO: Pat Higgins & To’aiva Fa’afia / Shandon Golf Club, Newsletter.