Mama’i ‘i le ‘Ōlimipeka ‘ona ‘o le E coli

‘O Hayden Wilde ‘o Niu Sila ‘o se tasi ‘o tagata ta’alo na gasegase ‘i le siama ‘o le E coli ‘ona ‘o le vaitafe ‘o Seine lea na fai ai le tū’uga ‘o le triathlon ‘i le vāiaso talu ai. 

‘O Wilde na manumālō ‘i le pine siliva.  ‘E 1.4 piliona euro po’o le 2.58 piliona tālā Niu Sila, na fa’aaluina ‘e Falani ‘e toe fa’aleleia ai le fa’atāfega ‘o suāvai leaga ‘i Pale, ma sā folafola, ‘o le ‘ā matuā mamā lava le vai mō tagata ‘e fe’ausi ai ‘i le isi taumāfanafana.  Sā le’i mautinoa  i nai māsina ‘a’o lumana’i le ‘Ōlimipeka, pā saogalēmū pea le vai mō tā’aloga, ma sā toe tolopō ni fa’ata’ita’iga na tu’u ‘e faia ai ‘i nai aso ‘a’o lumana’i le tauvaga ‘ona ‘o le maualuga ‘o le tulaga ‘o le siama ‘o le E coli.  ‘O ananafi na fa’ailoa ai, na iai le ‘au tā’a’alo ‘a Niu Sila sā mama’i mō aso ‘e lua, ‘ina ‘ua ‘uma le tā’aloga sā tauvā ai, ma sā a’afia ai ma tāpenaga ‘a la lātou ‘au tu’ufa’atasi na faia ‘i le pō ‘o le Aso Gafua.  Na tūlaga 14 le ‘au ‘a Niu Sila ‘ona na pa’ū pe lavea Wilde ‘ae le’i leva ‘ona ‘āmata le tā’aloga.  ‘O le Aso Gafua fo’i na fa’asilasila ai ‘e Belgium, ‘e lē mafai ‘ona tauvā la lātou ‘au ‘ona ‘o se tasi ‘o la lātou ‘au tā’a’alo sā gasegase. 

Link to RNZ (Article) translated by Savelina Kasiano: https://www.rnz.co.nz/news/sport/524260/paris-olympics-hayden-wilde-falls-sick-with-e-coli-after-seine-swim

ATA: Kerry Marshall / www.photosport.nz (RNZ).