Mālō le White Ferns ma o’o ai ‘i le semifinals ‘o kilikiti T20 Ipu ‘a le Lalolagi

‘I kilikiti fa’alevāomālō ‘a le itūpā ‘o tama’ita’i, ‘ua sao atu le ‘au ‘a Niu Sila le White Ferns ‘i le vāega ‘o le semifinals, ‘o le ta’amilosaga mō le ipu ‘a le Lalolagi, ‘i tā’aloga ta’i 20 ‘ova po’o le T20, ‘o lo’o fa’agāsolo nei ‘i Dubai ‘ina ‘ua manumālō ‘i le lā tā’aloga ma le ‘au mai le atunu’u ‘o Pakistan ‘i le pō anapo.

‘E 110 ‘ai ‘o Niu Sila na tuli ‘e Pakistan, peita’i na pepē ‘uma ‘ae nā’o le 56 o lātou ‘ai na maua ‘ona ‘o le lelei ‘o le fa’ate’a ma le talitua’ā ‘o le ‘au ‘a Niu Sila.

‘O se taimi muamua lenei talu mai le tausaga ‘e 2016, ‘ua sao atu ai le ‘au kilikiti ‘a tama’ita’i ‘o Niu Sila ‘i le vāega ‘o ‘au ‘e 4 po’o le top four, ‘o se ta’amilosaga mō le Ipu ‘a le lalolagi ‘i tā’aloga pupu’u nei ‘o le T20.

Link to RNZ (Article) translated by Lauano Ilaoa: https://www.1news.co.nz/2024/10/15/white-ferns-ease-past-pakistan-to-reach-t20-world-cup-semifinals/

ATA: Georgia Plimmer and Suzie Bates bat for NZ. (Source: Photosport) – RNZ