Mālō le Silver Ferns ‘i le Constellation Cup ‘i le vā ma le taimane ‘a ‘Ausetālia.

‘Ua manumālō le ‘au netipolo ‘a Niu Sila, le Silver Ferns, ‘i le Ipu ‘o le Constellation Cup, ‘ina ‘ua faia’ina ai le Taimane ‘a Ausetālia, ‘i le lā tā’aloga ‘i le ‘a’ai ‘o Perth ‘i le pō anapō. ‘O ‘ai ‘o lea tā’aloga ‘e 61 Niu Sila ‘i le 43 ‘a ‘Ausetālia, ‘o lona tolu ai lea ‘o mālō soso’o ‘o le Silver Ferns ‘i le series ‘o lo’o fa’agāsolo nei, ‘e toe tasi le tā’aloga ‘o lo’o totoe.

‘O se taimi muamua fo’i lenei ‘ua soso’o ai ni mālō se tolu ‘o le Silver Ferns ‘i le Taimane ‘a ‘Ausetālia, talu mai le tausaga ‘e 2006.  ‘O le tolu ai lenei ‘o mālō ‘o Niu Sila ‘i le Ipu ‘o le Constellation Cup, lea ‘e tauvā ‘i ai ma le ‘au ‘a ‘Ausetālia

Link to RNZ (Article) translated by Lauano Ilaoa: https://www.rnz.co.nz/news/sport/532075/silver-ferns-knock-off-world-champs-again-claim-constellation-cup

ATA: AAP / www.photosport.nz – Grace Nweke of New Zealand gathers the ball under pressure from Courtney Bruce of Australia.