Mālō le One NZ Warriors ‘i le Melbourne Storm ‘i lana ta’aloga fa’asamasamanoa ‘o le pre-season

‘I lakapī liki, na manumālō le Warriors ‘i le ‘au mālosi ‘a le Melbourne Storm ‘i le fa’ai’uga ‘o le vaiaso ‘i ‘ai ‘e 36 ‘i le 12, ‘o lona lua ai lea ‘o latou ta’aloga fa’asamasamanoa ‘e tāpena ai mō le ‘āmatalia ‘o le ta’amilosaga ‘a le NRL ‘o lenei tausaga.

‘O le vasiso ‘ua mavae na tutusa ai le latou ta’aloga ma le ‘au ‘a le Cronulla Sharks.

Na fa’ailoa mai ‘e faiā’oga ‘a le Warriors, ‘o lo’o tūlaga lelei tāpenaga ‘a le ‘au mō le ‘āmatalia ‘o le ta’amilosaga ‘i le lua vaiaso ‘o lumana’i nei, ‘o le latou ta’aloga muamua ‘o le ta’amilosaga, ‘e fetaui ai ma le ‘au ‘a le Canberra Raiders ‘i Las Vegas ‘i ‘Amerika.

ATA: One NZ Warriors FB