Mālō le ‘Olopeleki ‘iā ‘Ītālia 29 ‘i le 11

‘E 29 ‘ai na mālō ai le ‘Olopeleki ‘a Niu Sila ‘iā ‘Ītālia, ‘i la lā tā’aloga ‘i le taeao ‘o le Aso Sā. ‘O ‘ai ‘o lea tā’aloga ‘i le ‘a’ai ‘o Turin, ‘e 29 Niu Sila ‘i le 11 ‘a ‘Ītālia, ‘o sikoa ‘e fā ‘a Niu Sila na maua ‘e Cam Roigard ma Will Jordan ‘i le ‘afa muamua ma Mark Tele’a ma Beauden Barrett ‘i le ‘afa lona lua.  ‘O le taualuga lea ‘o tā’aloga ‘o le malaga ‘i ‘Europa ‘a le ‘Olopeleki ‘i lenei tausaga, lea na maua ai o lātou mālō ‘e fā ma le faiā’ina ‘e tasi. Mā ‘o le tā’aloga fa’ai’u mō le ‘Olopeleki, ‘a le ali’i sā kapeteni muamua ‘o Sam Cane ‘ua mālōlō mai lakapī fa’alevāomālō, ma le halfback  ‘o TJ Perenara lea ‘o le ‘ā malaga ‘e ta’alo ‘i Iāpani.

ATA: Supplied.