Maliu Hewit ‘i le 55 ‘o ona tausaga

‘O le pō ‘o le Aso Gafua, na maliu ai se tasi na ta’alo ‘i le nūmera lua ‘i le ‘Olopeleki, ma sā finau mō tupulaga sā feagai ma fa’afītāuli ‘i ō lātou ōlaga.  ‘O Norm Hewitt, ‘ua 55 ona tausaga, mā ‘e tusa ai ma se fa’amatalaga ‘a lona ‘āiga, sā a’afia ‘i se gasegase ‘e ta’ua ‘o le motor neurone disease, ‘e māfua mai ‘i se fa’afītāuli ‘i sele ‘i totonu ‘o le fai’ai ma nēura ‘e ta’ua ‘o motor neurones. 

Sā feagai Hewitt ma ni fa’afītāuli na aofia ai le ‘ava mālosi peita’i, mulimuli ane, sā ‘avea ‘o ia ma faufautua mō tupulaga talavou sa fa’alētonu āmioga.  Ma sā tele ‘ina mo’omiaina lana ‘au’aunaga ‘e lē gata ‘i totonu ‘o Niu Sila ‘ae fa’apea fo’i ‘i atunu’u ‘i fafo, pei ‘ona tā’ua ‘e lona ‘āiga.  Ma na ‘avea ‘o ia ma fa’ata’ita’iga lelei mō tupulaga sa a’afia ō lātou ōlaga ‘i fa’afītāuli.  ‘E to’alua la lā fānau ma lona to’alua o Arlene.  Sā ta’alo Hewitt mō le ‘Olopeleki mai le tausaga ‘e 1993 ‘e o’o atu ‘i le 1998, ma ‘e 14 ana tā’aloga, ‘e aofia ai tā’aloga ‘e iva, ‘o tā’aloga faitaulia. 

Na ta’alo mō Hawke’s Bay, Hurricanes fa’apea fo’i le lakapī ‘a Niu Sila Māori, ma sā kapeteni ‘uma ‘i ia ‘au e tolu.  Sā ta’alo fo’i mō sina taimi ‘i Southland. 

PHOTO: NZ Herald.