Lumana’i ‘o le Lakapī Supa ma le NPC ‘i le fono ‘o le Lakapī Niu Sila

‘O le vaiaso nei, ‘e faia ai se fono ‘a le Iuni Lakapī ‘a Niu Sila, ‘a’o iloilo ai ni fa’ai’uga tetele ‘e uiga ‘i le lumana’i ‘o le Lakapī Supa ma le NPC, ‘a’o sā’ili’ili ‘e fa’aitiitia le $20 miliona ‘i le tausaga ‘o tau ‘e fa’aalu ‘i le lakapī.  ‘O le asō, ‘e feiloa’i ai le Iuni lakapī ma le ‘au fai siea, ‘e aofia ai iuni fa’aitūmālō fa’apea le ‘Asosi ‘a le ‘au Tā’a’alo, ‘e talanoaina le tūlaga tau tupe ‘a le Iuni ma ni fuafuaga tatau ‘e toe fa’atūlaga ai le ta’aloga ‘i totonu lava ‘o Niu Sila.

Na fa’ailoa ‘e le Leitiō Niu Sila, ‘e iai se pepa ‘o fa’amatalaga ‘e lē mafai ‘ona fa’ailoaina ‘a le Iuni Lakapī ‘a Niu Sila, ‘o lo’o fa’a’auivi mai ai ni fautuaga se tolu mō le ta’aloga ‘i totonu ‘o le atunu’u, ‘e aofia ai le fa’alautele ‘o le Lakapī Supa, ‘e ala ‘i ni ‘au fa’aopoopo se lua, pe fa’aauau ta’amilosaga ‘o le Lakapī Supa ma le NPC ‘i lona faiga ‘o lo’o iai nei, ‘ae tu’ufa’atasia kalapu ‘o le Lakapī Supa ma iuni fa’aitūmālō; po’o le toe sui ‘o le Lakapī Supa ma le NPC ‘i se tauvaga fou ‘e 8 ‘i le 10 le aofa’iga ‘o ‘au.

Link to RNZ (Article): https://www.rnz.co.nz/news/sport/1531791/future-of-super-rugby-and-npc-among-topics-at-crunch-nz-rugby-summit

IMAGE/ATA: RNZ / Rebekah Parsons-King