Lua manumālō mai le lua ‘o ta’aloga ‘a le Tifaimoana ‘i le Pacific Netball Series 2025

‘O lo’o fa’agāsolo ‘i lenei vaiaso (17-22 Fepuari) le Pacific Netball Series 2025 ‘i Brisbane ‘Ausetālia, ‘o lo’o ‘auai ai le ‘au netipolo ‘a le atunu’u, le Tifaimoana.

‘O ‘au ‘o le ta’amilosaga ‘o lo’o iai Sāmoa, Tonga, Fiji, Papua New Guinea, Scotland fa’apea le First Nations ‘a ‘Ausetālia.

Na manuia taumafaiga ‘a le Tifaimoana ‘i lana ulua’i ta’aloga ma le ‘au ‘a Fiti, 54 – 45 ‘i le Aso Gafua.

‘Ae ‘o le lā ta’aloga ma le ‘au ‘a Tonga ‘i le pō ‘o le Aso Lua, na toe mālō ai ‘i ‘ai ‘e 55 – 52.

‘O lea ‘ua tūlaga 2 nei Sāmoa ‘i le fa’atūlagaga ‘o ‘ai, ‘o lo’o tutusa ai ma Scotland ‘o lo’o ‘i le tūlaga muamua ‘i ‘ai ‘e ta’i 4.

‘O le afiafi ‘o le Aso Lulu 19 ‘o Fepuari (8pm NZT) ‘o le ‘a feiloa’i ai le Tifaimoana ma le ‘au ‘a Papua New Guinea ‘i lana ta’aloga lona 3.

ATA: Netball Samoa FB.