Lē manuia taumafaiga ‘a le Manu Sāmoa ‘i le semi-final ma Iāpani

‘O le afiafi nei na feiloa’i ai le ‘au ‘a le Manu Sāmoa ma Iāpani ‘i le sā’iliga ‘o le ‘au ‘e sao atu ‘i le sā’iliga siamupini ‘o le Pacific Nations Cup 2024 ma le ‘au ‘a Fiti ‘i le vaiaso fou. Pagā lea, na lē tau lau ‘o le fa’amoemoe ‘i alo ma tamafanau ‘a le atunu’u, ‘ina ‘ua malolo ‘iā Iāpani ‘i ‘ai ‘e 49 ‘i le 27.

‘Ua se’e atu nei Sāmoa ‘e feiloa’i ma le ‘au ‘a ‘Amerika, ‘i le sā’iliga ‘o le tūlaga 3 ma le 4, ‘ae ‘ua tūlaga 5 le ‘au ‘a Tonga ‘ina ‘ua manumālō ‘iā Kānata ‘i le lā ta’aloga.

ATA: Sāmoa Capital Radio (file).