Lakapī Liki: Pe lē ‘ua ‘umi tele le ta’amilosaga ‘o le NRL?

Na fa’aalia ‘e Charnze Nicoll-Klokstad, le fulupeki ‘a le ‘au lakapī liki ‘a le Warriors, ‘e tatau ‘ona fa’alaitiiti le nūmera ‘o ta’aloga ‘o le ta’amilosaga ‘o le NRL, ‘ae ‘ia fa’aopoopo le aofa’iga ‘o ta’aloga faitaulia.  ‘O se tasi lea ‘o tama ta’alo ‘ua fa’aleo sona finagalo ‘e fa’aopoopo ‘i manatu ‘o nisi ‘o lo’o vala’au ‘ina ‘ia faia ni sūiga ‘i le ta’amilosaga ‘o le lakapī liki. 

Na fa’aalia ‘e Nicoll-Klokstad, ‘o le ‘umi ‘o le ta’amilosaga, ‘e āfāina ai fo’i tino ‘o tagata tā’a’alo ma ‘e mana’o ‘ia fa’apu’upu’u, ‘ae fa’aopoopo ni ta’aloga faitaulia ‘i ‘au tetele.  ‘E lua tā’aloga ‘a le Kiwis ‘i lenei tausaga, ‘e tā’a’alo ai ma ‘Ausetālia ma Tonga, ‘ua laitiiti ifo ‘i le aofa’iga ‘o tā’aloga na faia ‘i le 2023.  ‘O le ‘Olopeleki, ‘e 14 ana tā’aloga faitaulia ‘i le 2024.

Link to RNZ (Article) translated by Savelina Kasiano: https://www.rnz.co.nz/news/sport/530158/rugby-league-is-the-nrl-season-too-long

ATA: Charnze Nicoll-Klokstad is brought down by a Sharks defender. David Neilson (RNZ).