Lagona ‘e le Hurricanes le ma’ini ‘o le fa’alētonu ‘o tupe mai le Lakapi Supa

‘Ona ‘o le to’aitiiti ‘o tagata matamata ma le lēai ‘o ni su’ega siamupini ‘o le Lakapi Supa ‘e talimālō ai le Hurricanes, ‘o le ala lea ‘ua va’ava’ai ai le kalapu ‘i ni ‘auala fou ‘e fa’apāleni ai a lātou tupe.

‘E tasi le miliona tālā ‘o lo’o sā’ilia ‘e le kalapu ‘e fa’aopoopo ai ni saofaga mai le au fai siea ma ‘o lo’o iai le fa’amoemoe ‘e mafai ‘ona saini ‘i le fa’ai’uga ‘o le vaiaso.

Sa fa’agāsolo fa’atalanoaga ‘a le Hurricanes ma le ‘au fai siea ‘e 4, le Iuni Lakapi ‘a Uēligitone, Y11 Media & Sports Group, ‘o Richard Manseel ma le Iuni lakapi ‘a Horowhenua ma Kapiti, talu mai Tēsema, ‘a’o taumafai ‘e sa’ili ni fofō ‘i le tuana’i ‘o ni nai tausaga, ‘a’o feagai pea ma ni ‘aitālafu.

‘O le tausaga ‘e 2024, na gau ai le 700,000 tālā ‘a le Hurricanes ‘ae 1.4 miliona tālā le ‘aitālafu ‘i le tausaga ‘i tua atu.

‘E tā’a’alo le Hurricanes ma le Blues ‘i le 5 ‘e te’a ai le 7 ‘i le afiafi ‘o le Aso To’ana’i, ‘i Eden Park.

Link to RNZ Article translated: https://www.rnz.co.nz/news/sport/556982/finals-or-bust-hurricanes-feel-super-rugby-financial-pain

ATA: John Cowpland/Actionpress (RNZ).