Lagolagoina ‘e Joshua Lupesoli’ai La’auli Joseph Parker ‘e manumālō ‘iā Daniel Dubois ‘i le su’ega ‘o le fusi ‘o le IBF

‘Ua lagolagoina ‘e se tasi na siamupini ‘i le paga mamafa ‘i le lalolagi, Anthony Joshua, le susuga ‘iā Lupesoli’ai La’auli Joseph Parker, ‘e manumālō ‘i le fusu’aga ma Daniel Dubois, ‘i le fusi ‘o le lalolagi ‘i le IBF ‘i Saudi Arabia ‘i le māsina fou.

Na manumālō Dubois ‘i le fusu’aga ma Joshua ‘i se taimi ‘e le’i mamao atu, ma na maua ai ‘e Dubois le Ipu ‘o le “knockout of the year” po’o le tu’i oti ‘o le tausaga ‘i se tufagā fa’ailoga ‘a le The Ring Magazine ‘i Lonetona.  ‘E talitonu Joshua, ‘o le ‘ā siamupini Parker ‘i le fusu’aga ‘i le aso 23 Fepuari. 

‘E manatu fo’i Eddie Hearn lea ‘e fa’alauiloaina fusu’aga ‘a Joshua, ‘e faigatā le fusu’aga mō Daniel Dubois.  ‘O Parker lea ‘ua ‘i se tūlaga maualuga ‘o lana fusu ‘i lenei vāitau. 

ATA: Sāmoa Capital Radio (file).