Fa’atū ‘e Finn Allen le matāti’a fou ‘i le tele ‘o ono ‘i se tā’aloga kilikiti T20 fa’avāomālō
‘O le ali’i ‘o Finn Allen, le tamua ‘o le ‘au kilikiti ‘o le Black Caps ‘a Niu Sila, ‘ua ia fa’atūina se matāti’a fou, i le tele ‘o ni ono, na ia tāina ‘i se tā’aloga kilikiti T20, ‘i le fa’ai’uga ‘o le vāiaso na te’a nei. (Fri 13th June 2025)
‘E 151 le aofa’iga ‘o ‘ai ‘o Allen na maua ‘i lana taaga mō lana ‘au ‘o le San Francisco Unicorns, ‘i le lātou tā’aloga ma le ‘au ‘a le Washington Freedom, ‘i le tā’aloga muamua ‘o le liki ‘o le US Major League ‘i Oakland ‘i Kalefōnia.
Sā aofia ai ‘i ona ‘ai na maua, le aofa’iga ‘e 19 ‘o ‘ova ta’i ono, ma ‘ua ia tata’e ai le matāti’a ‘e 18 ‘ai ta’i ono, lea sā ‘umia ‘e le ali’i ‘’o Chris Gayle, ‘o le ‘au ‘a le West Indies.
‘E nā ‘o le 51 te’a po’o polo, na maua ai ‘e le ali’i ‘o Finn Allen ia ‘ai, ma fa’atūina ai lea matāti’a fou ‘i ta’aloga kilikiti, ‘o le vāega ‘e ta’i 20 ‘ova po’o le T20.
‘Ua fa’amauina fo’i ‘e fa’apea ‘o Allen ‘o Niu Sila, le tagata kilikiti muamua ‘ua ia maua ni ‘ai ‘e 150 ‘i polo po’o te’a ‘e 49, ‘i le talafa’asolopito ‘o le kilikiti T20.
‘O te’a fo’i ‘e 34 ia na maua ai ona ‘ai ‘e selau, ‘ua fa’amauina ‘o se selau aupito ‘i vave lea ‘o ni ‘ai ‘ua tāina ‘e se tagata kilikiti ‘o Niu Sila, ‘i le tala fa’asolopito ‘o le tā’aloga.
‘O Finn Allen, 26 tausaga ‘o le soifua, sā iloga ‘ona lelei la lā’ua paga ma le isi tamua ‘a Niu Sila, le ali’i ‘o Tim Siefert ‘i le mālō ai ‘o Niu Sila ‘i le series ‘i le vā ma le ‘au mai Bangladesh ‘i le māsina ‘o Mati.
Link to RNZ (Article) translated: https://www.rnz.co.nz/news/sport/564083/finn-allen-smashes-gayle-s-t20-world-record-for-six-hitting
ATA: www.photosport.nz / RNZ.