Fa’atonu ‘e le Minisitā le faia ‘o se iloiloga fa’anatinati ‘i le Sport NZ

‘Ua fa’atonuina ‘e le mālō le faia ‘o se iloiloga fa’atūma’oti ‘i le fa’alāpotopotoga ‘o ta’aloga ‘a Niu Sila, le Sport NZ po’o fa’apēfea ‘ona fa’asoa ma tufatufa a lātou tupe.  ‘Ua fa’aalia ‘e se tasi mai totonu ‘o le fa’alāpotopotoga, ‘e iai le manatu, ‘o le ta’iala ‘a le Sport NZ, ‘e pei ‘ua fa’asafua lava ‘i tagata ‘uma. 

‘Ua fa’atonuina ‘e le minisitā Chris Bishop le faia ‘o le iloiloga ‘i le Sport NZ, lea ‘e pūleaina ta’aloga ma gāioiga fa’atino fa’afiafia ‘i totonu ‘o Niu Sila, ‘e aofia ai le High Performance Sport NZ.  Peita’i, ‘ua manino, ‘e lē ‘o fa’atatau le iloiloga ‘i fa’afitāuli ‘i le polokalame ‘o le high performance, lea na alia’e ‘ina ‘ua faia le su’esu’ega ‘i le maliu ‘o le tama’ita’i vili uila ‘o Olivia Podmore ‘i le māsina nei.  ‘Ae ‘o le ‘ā fa’atatau tonu le su’esu’ega ‘i le fa’asoaga ‘o tupe mai le mālō. 

‘E 131 miliona tālā na ‘inivesi sa’o ‘e le High Performance Sport NZ ‘i tā’aloga ‘e 44 ‘i totonu ‘o tausaga ‘e fā talu ai nei.  ‘E ‘inivesi ‘e le Sport NZ le isi $70 miliona ‘i tausaga ta’itasi ‘i fa’alāpotopotoga tau ‘i tā’aloga ‘a le atunu’u, ‘o fa’alāpotopotoga fa’aitūmālō, kulupu ‘ese’ese ma isi fo’i fa’alāpotopotoga, ma le fa’anaunauga ‘ina ‘ia tō’a’aga tagata Niu Sila ‘e fa’agāioi o lātou tino.

Link to RNZ (Article) translated by Savelina Kasiano: https://www.rnz.co.nz/news/national/534871/minister-orders-independent-rapid-review-of-sport-nz

ATA: Sports and recreation minister Chris Bishop has ordered the review. Photo: RNZ / Samuel Rillstone