Fa’ate’ia le faiā’oga ‘ina ‘ua toe nūmera tasi le ‘Olopeleki

Na fa’afetaia ‘e le faiā’oga ‘a le ‘Olopeleki Scott Robertson le tā’a’alo ‘a lana ‘au ‘i Cordoba ‘i le vaveao ananafi, ‘ina ‘ua manumālō ‘iā ‘Argentina, 41 ‘i le 22.  Ui ‘i lea ‘e iai lava vāega ‘e ao ‘ona fa’aleleia. 

Na fa’aalia ‘e Robertson, lona agaga fa’afetai ma lona te’i ‘ua toe fo’i le ‘Olopeleki ‘i le nūmera tasi ‘i le fa’atūlagaga ‘o ‘au lakapī ta’ito’asefululima ‘i le lalolagi peita’i ‘ua ‘āmata ‘ona va’ava’ai ‘i le tā’aloga ‘i le vāiaso fou, ‘ae lē ‘o le tūlaga muamua pei ‘ona fa’atūlaga ai.  ‘O le taeao ‘o le Aso Sā ‘i le vāiaso fou taimi Niu Sila ‘o le ‘ā toe tā’a’alo ai le ‘Olopeleki ma Argentina.

Link to RNZ (Article) translated: https://www.rnz.co.nz/news/sport/570224/coach-scott-robertson-surprised-to-hear-all-blacks-top-world-rankings

ATA: ActionPress (RNZ).