Fa’ata’amilo ‘i nu’u ma itūmālō le Ipu ‘o le T20 lea ‘ua ‘ūmia ‘e le White Ferns

‘Ua fa’ailoa mai fuafuaga ‘e fa’asavali ta’amilo ai ‘i nu’u ma itūmālō ‘ese’ese ‘o Niu Sila, le Ipu ‘a le Lalolagi mō Tā’aloga Kilikiti Ta’i 20 ‘Ova ‘a le ītūpā ‘o Tama’ita’i, lea na mālō ai talu ai nei le White Ferns ‘a Niu Sila.

‘O le Aso Faraile na te’a nei na taunu’u ane ai ‘i Kalaiesetete le Ipu lenei, mā ‘āmata ai lana ta’amilosaga ‘ina ‘ia so’o ai Niu Sila ‘ātoa mai saute ‘e o’o ‘i mātū, fa’atasi ai ma tama’ita’i tā’a’alo ‘o le ‘au ‘a le White Ferns.  ‘O le ‘ā iai ni fa’atasiga fa’apitoa ‘e feiloa’i ai le atunu’u ma le ‘au tā’a’alo, mā ‘o le ‘ā asiasi fo’i ‘i lātou ‘i nisi ‘o kalapu kilikiti ma ā’oga a’o fa’ata’amilo ai le Ipu mō le vāiaso ‘ātoa ‘o lumana’i nei.  ‘E avanoa so’o se tasi ‘e fia ‘āuai ‘i ia fa’atasiga ‘e lēai se totogi. 

‘O le Aso Lulu, ‘o le ‘ā o’o atu ai le Ipu Ienei ‘i le ‘a’ai ‘o Napier fa’apea ma Havelock North ‘i le itūmālō ‘o le Hawkes Bay.

Link to RNZ (article) translated by Savelina Kasiano:https:https://www.rnz.co.nz/news/sport/532359/white-ferns-to-take-t20-world-cup-trophy-on-tour

Ata: AFP / GIUSEPPE CACACE