Fa’ase’etuāgalu le faiā’oga ‘o le Silver Ferns Dame Noeline Taurua mō le ta’amilosaga ma ‘Aferika ‘i Saute

‘Ua fa’amālōlō ‘e le Fa’alāpotopotoga Netipolo ‘a Niu Sila le faiā’oga ‘o le Silver Ferns, Dame Noeline Taurua mō le ta’amilosaga ‘o le Taini Jamison Series ma ‘Aferika ‘i Saute.

Na fa’aalia ‘e le fa’alāpotopotoga, ‘o lo’o fa’aauau pea fa’atalanoaga ‘i le vā ‘o le Netipolo ‘a Niu Sila, Dame Noeline ma le pūlega ‘o le ‘au ‘a le Silver Ferns ‘e uiga ‘i suiga ‘ua fautuaina ‘i le si’osi’omaga ma le polokalame ‘a le Silver Ferns ‘o le High Performance.  ‘I se pepa ‘o fa’amatalaga ‘a le fa’alāpotopotoga ‘ua tā’ua ai, ‘ua lē mafai ‘ona maua so lātou tasi ‘i ni matā’upu ‘e mafai ‘ona ‘ioeina ‘e tagata ‘uma ‘i le taimi lea ‘ua fa’aavanoa ‘a’o le’i fa’agāsolo le Taini Jamison Serives. 

Ma ‘ua faia ai se fa’ai’uga ‘a le Netipolo ‘a Niu Sila, ‘e fa’amālōlō ‘ese Dame Noeline mō lea ta’amilosaga.  ‘Ae ‘o lo’o iai pea le fa’anaunauga ‘ina ‘ia maua se i’uga lelei pei ‘ona fa’aalia ‘e le ta’ita’ifono ‘o le Komiti fa’atonu ‘o le Netipolo Matt Whineray.   ‘O le taimi nei, ‘ua tōfia Yvette McCausland-Durie ‘e ‘avea ma faiā’oga ‘o le ‘au mō le ta’amilosaga ‘o le Taini Jamison, lagolagosua ‘i ai Liana Leota. 

Link to RNZ (Article) translated: https://www.rnz.co.nz/news/sport/572678/silver-ferns-coach-dame-noeline-taurua-stood-down-for-upcoming-series-against-south-africa

ATA: Andrew Cornaga/www.photosport.nz (RNZ).