Fa’anoanoa Iuni Lakapī Niu Sila ‘ua ‘ave’ese le 7 mai Tā’aloga Taupulega

‘Ua fa’ailoa le fa’anoanoa tele ‘o le Iuni Lakapī ‘a Niu Sila ‘ina ‘ua ‘ave’esea le Ta’ito’afitu mai Ta’aloga ‘o Mālō ‘o le Taupulega, a’o lea sa i se tūlaga maualuga ‘i le ‘Olimipeka ‘i Pale.  ‘O le ta’ito’afitu, hockey, squash, viligā uila ‘i le ‘auala, ‘o viligā uila ‘i luga ‘o mauga ma le pi’iga ‘o nisi ‘o ta’aloga ‘ua lē toe aofia ‘i totonu ‘o Ta’aloga ‘a Mālō ‘o le Taupulega.  Na fa’aalia ‘e Chris Lendrum ‘o le Iuni, ‘o se fa’anoanoaga tele lea mō a’u lakapī ‘a Niu Sila fa’apea faiā’oga ma ‘aufaigāluega ‘aemaise fo’i ‘o tagata matamata.  Sā manuia tele Niu Sila ‘i le ta’itoafitu talu ‘ona ‘āmata ‘i tā’aloga ‘a le taupulega ‘i Kuala Lumpur ‘i le 1998.  E lima pine auro ‘ua maua ‘e le ‘Olopeleki ‘ae tasi mō le Black Ferns po’o le ‘au ‘a tama’ita’i, tasi le ‘apa memea talu ‘ona fa’aofi ‘au ‘a tama’ita’i. 

Link to RNZ (Article) translated by Savelina Kasiano: https://www.rnz.co.nz/news/sport/531636/new-zealand-rugby-gutted-by-sevens-axing-from-commonwealth-games

ATA: Black Ferns Sevens celebrate winning gold at the Paris Olympics in 2024: Iain McGregor / www.photosport.nz