Fa’amāvae sui ‘o le Komiti Fa’atonu ‘o le Netipolo Niu Sila

‘Ua ta’i tasi ‘ona fa’amāvae sui ‘o le Komiti Fa’atonu ‘o le Fa’alāpotopotoga Netipolo ‘a Niu Sila ‘e aofia ai le ta’ita’ifono, Matt Whineray.  Sa fa’alauiloa se pepa ‘o fa’amatalaga ‘a le Netipolo ‘a Niu Sila ‘i le afiafi ananafi, ma fa’ailoa ai, ‘o Whineray fa’apea ai ma Pavan Vyas, Stephen Cottrell fa’apea ai ma Alisha Staples, ‘o sui ia ‘ua fa’amāvae talu mai se piliota na feagai ai le fa’alāpotopotoga ma lu’itau.  Na fa’aalia ‘i le pepa ‘o fa’amatalaga se finagalo ‘o sui ‘o le komiti, ‘ua mo’omia ‘ona faia se suiga ‘i le ta’ita’iga. 

‘O le tausaga talu ai, sa le’i faigōfie le tau fa’amautūga ‘o le māliliega mō le fa’asalalauga ‘o le ta’amilosaga ‘o le ANZ Premiership.  ‘Ae ‘o Sētema, na fa’asilasila ai le fa’amālōlō lē tūmau ‘o le faiā’oga ‘o le Silver Ferns, Dame Noeline Taurua, ‘e māfua ‘ona ‘o ni fa’aseā ‘a tama’ita’i tā’a’alo.  Na toe fa’afo’i Dame Noeline ‘i lona tūlaga ‘o le faiā’oga ‘ae fa’alogina ni vala’au ‘i le tatau lea ‘ona iai nisi ‘e fa’amālōlo mai le pūlega ‘o le Netipolo ‘a Niu Sila.  ‘O le māsina talu ai na tau’aveina ai ‘e Jane Patterson le avanoa ‘o le pule sili ‘ina ‘ua fa’amāvae Jennie Wyllie, mai le 9 tausaga sa ia tau’aveina ai lea gāluega.

Link to RNZ (Article) translated: https://www.rnz.co.nz/news/sport/587114/multiple-netball-nz-board-members-step-down-from-roles-after-challenging-year

ATA: SCR (file).