Fa’amāvae Mase Mahonri Schwalger mai le tofiga ‘o le faiā’oga ulu ‘o le Manu Sāmoa

‘Ua talia ‘e le Komiti Fa’afoe ‘o le Iuni Lakapī ‘a Sāmoa, le fa’amavāega ‘a le Faiā’oga ulu ‘o le Manu Sāmoa, le tōfā Mase Mahonri Schwalger. ‘E pei ona silafia ‘o le tausaga na mavae atu nei, lea na fa’amālōlō lē tūmau ai ‘e le Komiti Fa’afoe, le ali’i faiā’oga ulu, ina ‘ua faia ‘iai ni mōliaga ‘i ni solitūlāfono ‘o lo’o tu’ua’iina ai ‘o ia. Sā fa’aalia ‘e le Ta’ita’ifono ‘o le Lakapī Sāmoa, Dr Tuila’epa Sa’ilele Malielegaoi, le agaga fa’afetai ‘o le pūlega ma le komiti fa’afoe, ‘i lea fo’i alo ‘o le atunu’u mō lana tautua ‘i le ta’aloga lakapī ‘a Sāmoa.

‘O le taimi nei ‘o lea ‘ua ‘āmata ona sā’ili’ili ‘e le Lakapī Sāmoa, sē isi faiā’oga ulu fou mō le ‘au lakapī tele 15 ‘a le Manu Sāmoa.
‘O le tōfā Mase ‘ua fa’amāvae nei, ‘e lē gata ina sā ‘avea ma kapeteni ‘o le Manu Sāmoa, ‘ae sā ta’a’alo fo’ i ‘i le ta’amilosaga ‘o lakapī Supa ‘i Niu Sila mō ‘au ‘e aofia ai le Highlanders, ‘o le Hurricances fa’apea ai ma le ‘au ‘a le Chiefs.

Link to RNZ Pacific (Article) translated by Lauano Ilaoa: https://www.rnz.co.nz/international/pacific-news/538292/schwalger-resigns-as-head-coach-of-manu-samoa

ATA: Lakapi Samoa