Fa’alētonu Sam Cane mo le ta’aloga ma Falani ona ‘o lo’o manu’a ‘i lakapi

‘O lo’o fa’alētonu le ali’i ‘o Sam Cane mo le ta’aloga ‘a le ‘Olopeleki ma Falani ‘i le Aso Sā ‘o lumana’i nei, ona ‘o se manu’a ‘i lona ulu mai le ta’aloga ma Aialani ‘i le Aso Sā ‘ua mavae. ‘O Sam Cane ‘e pei ona silafia sā ‘avea muamua ma kapeteni ‘o le ‘Olopeleki, ma na fa’ailoa mai, ‘o le ‘ā mālōlō lītaea mai ta’aloga faitauina fa’alevāomālō pe ‘ā ‘uma le malaga lenei ‘a Niu Sila ‘o lo’o iai nei ‘i ‘Europa.

Na fa’ailoa mai ‘e le faiā’oga ulu ‘iā Scott Roberston, ‘e mautinoa ‘o le ‘ā tatau ona mālolosi ‘ato’atoa Beauden Barrett ma Cody Taylor mō le ta’aloga lea ‘i le a’ai ‘o Pale.
‘O le loka ‘o Sam Darry na manu’a lona tulivae ‘i tōleniga ma ‘ua toe fo’i mai ai ‘i Niu Sila. ‘O le 9 ‘i le tāeao ‘o le Aso Sā 17 ‘o Nōvema le taimi ‘o le ta’aloga lenei ‘a Niu Sila ma Falani ‘i le Stade de France ‘i le a’ai ‘o Pale.

Link to RNZ (Article) translated by Lauano Ilaoa: https://www.rnz.co.nz/news/sport/533473/rugby-cane-in-doubt-for-france-test-barrett-and-taylor-expected-back

ATA: Photosport ©INPHO/Dan Sheridan  – All Blacks loose forward Sam Cane leaves the field against Ireland.