Fa’alauiloa le Kiwis ma le Kiwi Ferns mō le siamupini ‘o le Ipu ‘o le Lalolagi Lakapī Liki

‘Ua fa’alauiloa ‘au filifilia ‘a Niu Sila, ‘a ali’i ma tama’ita’i, le Kiwis ma le Kiwi Ferns, mō su’egā siamupini ‘o le Ipu ‘o le Lalolagi ‘o le Lakapī Liki ‘i le Aso Sā ‘i Brisbane.  Na gata ‘ona siamupin ia ‘au ‘a Niu Sila talu mai le tausaga ‘e 2008, ma ‘ua naunau ‘e fa’amuta le soso’o ‘o ta’amilosaga ‘e tolu ‘o siamupini lava ‘Ausetālia.

‘Ua toe fa’aopoopo le mālosi ‘o le Kiwis ‘ina ‘ua toe fo’i atu Ronaldo Mulitalo, ‘ina ‘ua ‘uma lona fa’asalaga lea na lē ta’alo ai ‘i le ta’aloga ‘e tasi, ‘ona ‘o se pu’e maualuga ‘i se tasi ‘o le ‘au ‘a Fiti.  ‘Ua sui tūlaga Mulitalo ‘ia Charnze Nicoll-Klokstad lea ‘ua se’e atu ‘i le vāega ‘e toe sui atu ‘i totonu ‘e aofia ai Te Maire Martin, Naufahu Whyte, Erin Clark ma Xavier Willison.  ‘O James Fisher Harris ‘o le ‘ā kapeteniina le Kiwis.  

Link to RNZ (Article): https://www.rnz.co.nz/news/sport/2507352/new-zealand-sides-named-for-rlwc-finals

IMAGE/ATA: RLWC2026 / SCR