Fa’aeaina Dame Lisa Carrington ‘i se fa’ailoga ‘i le ‘Ōlimipeka

‘Ua fa’amanuiaina Dame Lisa Carrington ‘i se tasi ‘o fa’ailoga taualoa pito maualuga ‘i le ‘Ōlimipeka pei ‘ona tau’a’aoina atu ‘i ai le Outstanding Sporting Career Award ‘a le Association of National Olympic Committee.  ‘O Dame Lisa, ‘o le tagata ta’alo ‘a Niu Sila ‘e pito tele ana pine ‘i tā’aloga ‘Ōlimipeka, ma sā ia mauaina pine auro ‘e 8 ma le ‘apa memea ‘e tasi.  ‘O lea fa’ailoga taualoa na tau’a’aoina atu ‘i ai ‘i se fa’atasiga na faia ‘i Potukale. 

‘E silia ma le 600 tagata mai le Olympic Movement sā ‘āuai ‘e aofia ai le peresetene ‘o le International Olympic Committee, Thomas Bach faapea ai ma sui eseese i le lalolagi a Komiti a le Olimipeka.  Sā āmanaia ‘i lea fa’ailoga le taumafaiga ‘a Carrington ‘i le tā’aloga alova’a lea na ia manumālō ai fo’i ‘i pine ‘auro ‘e tolu ‘i lenei tausaga ‘i le ‘Ōlimipeka ‘i Pale ‘i tū’ūga ‘alo va’a ‘o le K4, K2 ma le K1.  ‘O le taimi muamua lea ‘ua manumālō ai se tagata Niu Sila ‘i lea fa’ailoga.

Link to RNZ (article) translated by Savelina Kasiano: https://www.rnz.co.nz/news/sport/532416/olympic-champion-dame-lisa-carrington-scoops-top-award

ATA: Dame Lisa Carrington accepts the ANOC Outstanding Sporting Career Award. Photo: Supplied (RNZ)