Fa’aauau tāpenaga ‘a le ‘au soka tama’ita’i U17 mō le Ipu ‘o le Lalolagi ‘a tama’ita’i

‘O lo’o fa’aauau pea tāpenaga ‘a le ‘au soka ‘a tama’ita’i Sāmoa ‘i lalo ‘o le ta’i 17 tausaga le matutua, ‘auā le Ipu ‘o le lalolagi ‘a le FIFA, le Under-17 Women’s World Cup.  ‘O lo’o iai fa’atasi Sāmoa ‘i le pulu D ma ‘au mālolosi ‘e pei ‘o Kānata, Farani ma Nigeria.  ‘O se tala fa’asolopito lenei mō Sāmoa ‘ona ‘o se ‘au muamua ‘a le Pasefika ‘ua o’o ‘i se fa’atumutumuga ‘o ta’aloga soka ‘a le lalolagi.  ‘O le lelei ‘o la lātou taumafaiga ‘i le tauvaga ‘a le Oseania ‘i su’egā siamupini ‘a tama’ita’i ‘i lalo ‘o le ta’i 16 tausaga, lea na o lātou maua ai lea avanoa.

Na fa’aalia ‘e le faiā’oga, Juan Chang Urrea, ‘o le ‘ā toe iai se tasi tōlauapiga ‘i le Iūnaite Setete ‘i le māsina nei, ‘o le ‘ā iai ma nisi ta’aloga ‘e tāpena ai le ‘au ‘a Sāmoa, ‘a’o le’i malaga atu ‘i Morocco mō le Ipu ‘o le Lalolagi ‘i le māsina ‘o Oketopa.

Sa fa’ailoa  le mitamita ‘o le tama’ita’i Sāmoa ‘o Dame Sarai Bareman, le ulua’i pule sili mō le fa’alāpotopotoga Soka ‘a tama’ita’i ‘o le Fifa, ‘ona ‘o le maoa’e ‘o le ofi atu ‘o se ‘au ‘a Sāmoa ‘aemaise lona mitamita ‘i le ola ‘o le ta’aloga ‘i Samoa.

Link to PMN News Article translated: https://pmn.co.nz/read/sports/samoa-makes-history-first-ever-fifa-u17-women-s-world-cup

ATA: OFC/Kirk Corrie/Phototek/NZ Football / PMN News.