Fa’aauau pea ‘ona sami le siamupini ‘a le Hurricanes

‘O lo’o fa’aauau pea ‘ona sami le siamupini ai ‘o le Hurricanes ‘a Ueligitone, ‘i le ta’amilosaga ‘o Lakapī Supa ‘a le Pasefika ‘i lenei tausaga.

‘O le mea mautinoa ‘e to’atele tagata ‘ua ‘ave ai aso ma’i ‘ae lē faigaluega ‘i le asō ‘ona ‘o fa’afiafiaga sa feagai ai mai le pō ‘o le Aso To’ona’i fa’asolo mai ai ‘i le Aso Sā ‘ananafi ma ‘anapo ‘i vāega ‘ese’ese ‘ole laumua.

‘E pei ‘ona silasila ma maimoa iai, ‘o se su’egāfusi mata’utia lea ‘ua fa’amauina ‘o le ta’amilosaga lenei ‘i le tele na’uā ‘o ai na maua ‘o le Hurricanes ‘i le ‘au mālosi ‘a le Chiefs na ō latou su’efusi.

‘E 9 sikoa na maua ‘a le Hurricanes mō latou ‘ai ‘e 60 ‘ae tasi le sikoa ‘a le Chiefs, lea na maua ‘e se tasi fo’i ‘o alo ‘o le laumua ‘o lo’o ta’alo ai, le ali’i ‘o Naitoa Ah Kuoi.

A’o tālia ai le fa’ailoaina mai ‘i le asō, ‘o le lisi ‘o tama ta’a’alo ‘ua filifilia mo le ‘au ‘a le ‘Olopeki ‘a Niu Sila ‘e to’atele ‘ua manatu ‘e tatau ‘ona to’atele ni sui ‘o le ‘au lenei ‘a le Hurricanes ‘e lavea ai.

IMAGE/ATA: Super Rugby Pacific