Baseball: $1.3 piliona mō Juan Soto ‘e ta’alo ai ‘i le New York Mets mō tausaga ‘e 15

‘Ua tūsia ‘i le Tala Fa’asolopito le ali’i ‘e ta’alo ‘i le tā’aloga ‘o le Baseball, ‘o Juan Soto, ‘ina ‘ua ‘ioe ‘e ta’alo mō le New York Mets ‘i se ‘umi ‘e 15 tausaga, ‘i se tau ‘e $1.3 piliona, mā ‘o se konekarate pito sili lea ‘ona telē ‘i ni tā’aloga fa’apolōfesa.  ‘E lēai se tupe ‘e tolopō ‘ona tu’uina atu, ma ‘e ono o’o atu lava ‘i le 1.36 piliona tālā le tau ‘o le konekarate ‘ātoa pei ‘ona fa’ailoa ‘e le ESPN.

Na ta’alo Soto mō le tausaga ‘e tasi ‘i le Yankees.  Na ofo ‘i ai ‘e le Yankees le 37 miliona tālā mō le tausaga, peita’i na ia tē’enaina ‘i le aso 19 Nōvema.  Na līpotia ‘e le New York Post, na mana’o le Yankees ‘e totogi le 1.29 piliona tālā ‘i le silia ma le 16 tausaga ‘e toe fa’afo’i atu ai Soto peita’i na manumālō lava le ofo ‘a le Mets.

Link to RNZ (Article) translated by Savelina Kasiano: https://www.rnz.co.nz/news/sport/536165/baseball-juan-soto-lands-record-15-year-1-point-3b-deal-with-new-york-mets

ATA: Photosport (RNZ).