950kg le “forwards” ‘a le ‘Olopeleki mō le tā’aloga ma Iāpani

by | Oct 23, 2024 | Ta'aloga

‘E 950 kilokalama le mamafa ‘o le laina ‘i luma ‘a le ‘Olopeleki ‘o le ‘ā fa’atalitali mai nei ‘i ai le Brave Blossoms a Iāpani, ‘i le ta’aloga faitaulia ‘i le Aso To’ona’i nei ‘i Yokohama.  ‘O le malaga ta’amilo lea ‘a le ‘Olopeleki ‘i le fa’ai’uga ‘o le tausaga.  ‘Ua filifilia Pasilio Tosi ma Tamaiti Williams ‘i le to’a 15 ‘āmata ma ‘e ta’i 140 kilo le mamafa.  ‘O Asafo Aumua ‘e 108 kilo, Patrick Tuipulotu 120 kilo ma Sam Darry ‘e 110 kilo.  ‘O tua ‘o le sikalamu ‘o iai Sam Cane 103 kilokalama, Wallace Sititi ‘e 113 kilokalama ma Samipeni Finau ‘e 115 kilo.  ‘E 49 kilo ‘e sili atu ai nai lō le mamafa tu’ufa’atasi ‘o le vāega pito ‘i luma na tā’a’alo ‘i le su’ega ‘o le siamupini ‘o le Ipu ‘o le lalolagi 2023. Na fa’aalia ‘e le faiā’oga Scott Robertson, ‘o lo’o pāleni lelei le filifiliga ‘o tama tuai fa’apea ma le vāega fou ‘auā le ta’aloga ma Iāpani. 

‘O le ‘au lenei ‘a le ‘Olopeleki:

  1. Tamaiti Williams 2. Asafo Aumua 3. Pasilio Tosi 4. Sam Darry 5. Patrick Tuipulotu (c) 6. Samipeni Finau 7. Sam Cane 8. Wallace Sititi 9. Cam Roigard 10. Damian McKenzie 11. Mark Tele’a 12. Anton Lienert-Brown 13. Billy Proctor 14. Sevu Reece 15. Stephen Perofeta

Fa’aleoleo: 16. George Bell 17. Ofa Tu’ungafasi 18. Fletcher Newell 19. Josh Lord 20. Peter Lakai 21. TJ Perenara 22. David Havili 23. Ruben Love

Link to RNZ (Article) translated by Savelina Kasiano: https://www.rnz.co.nz/news/sport/531561/monster-all-black-pack-to-be-unleashed-on-japan

ATA: Andrew Cornaga/www.photosport.nzPasilio Tosi.