Sīlia ma le 400 tagata Sāmoa ‘ua toe fa’afo’i Sitiseni talu ‘ona pāsia le pili ‘o le Sāmoa Citizenship Restoration Act

‘Ua fa’ailoa ‘e le Matāgāluega ‘o Matā’upu ‘o le Lotoifale, ‘ua silia ma le 400 tagata Sāmoa ‘ua mafai ona toe maua ‘o lātou Sitiseni, talu ona pāsia le pili ma faia le tūlāfono ‘o le Samoa Citizenship Restoration Act, ‘e fa’afo’i ai Sitiseni ‘o tagata na soifua mai ‘i le 1924 ‘i le 1948. Fa’ailoa ‘e le Matāgāluega ‘e silia ma le 950 talosaga na fa’ao’o atu.

Fa’ailoa ‘e le pule sili ‘o le Matāgāluega Adrian Jarvis, ‘o lo’o gālulue so’ofa’atasi lā lātou Matāgāluega ma le ‘Ōfisa ‘o femālāgāa’iga ‘i Apia, ‘e faia a’oa’oga mō le ‘aufaigāluega ‘i Sāmoa, ina ‘ia fa’afaigōfie ai ona lātou iloiloina ma fa’agaluea’ina talosaga ‘a tagata ‘o lo’o ‘i Sāmoa. ‘O le tūlāfono ‘e agava’a ai ‘i lātou na soifua ane ‘i le vā ‘o le Aso 13 ‘o Mē 1924 ma le Aso muamua ‘o Ianuari 1949. 

Link to RNZ (Article) translated: https://www.rnz.co.nz/international/pacific-news/542453/over-400-samoans-reclaim-nz-citizenship-since-law-change

ATA: RNZ / SCR.