Boxing: Mālolo fa’atamāli’i le susuga ‘iā Ato Plodzicki-Faoagali

‘Ua lē manuia taumafaiga ‘a le susuga ‘iā Ato Plodzicki-Faoagali, ‘o le alo fusu ‘a Sāmoa ‘i le ‘Ōlimipeka 2024 ‘i Pale Farani ‘i lana ulua’i ta’aloga. Na tauvā le susuga ‘iā Faoagali ‘i le paga 92kg le mamafa ma le ali’i Belgium ‘o Victor Schelstraete. ‘O fa’aī’uga ‘a fa’amāsino na manumālō ai le āli’i Belgium ‘i ‘ai ‘e 5 ‘i le 0 ‘a le susuga ‘iā Ato.

‘O le Aso To’ona’i na māvae nei, na maua ai le tala fa’anoanoa mai Pale ‘i le māliu ai ‘o le susuga ‘iā Lionel Fatu Elika, ‘o le faiā’oga fusu ‘a le Ato, ma ‘o se fa’anoanoaga tele mo le ‘au fusu ‘e to’atasi ‘e fai ma sui ‘a Sāmoa.

Na fa’asoa le susuga ‘ia Ato ‘i lana ‘api ‘o fōliga, “‘Ē lēai so’u ‘alofaga, sā ‘ou tau le taua lelei, ma sā ‘ou tau ma se loto mafatia. Fa’afetai Iesu ‘i lau puipuiga ma fa’afetai ‘uma mō lau lagolago”

Ua fa’amālō fa’afetai Ato! Vī’ia le Atua ‘i lau taumafaiga! Coach Lionel would be so proud of you! Onto the next!

ATA: Ato Plodzicki-Faoagali / FB.