Athletics: Mālolo fa’atamāli’i Alexander Melei Rose

‘Ua lē manuia taumafaiga ‘a le susuga ‘iā Alexander Melei Rose, ‘o le alo ‘o Sāmoa na tauvā ‘i le Sā’iliga ‘o Pine Tauāloa ‘o le Men’s Discus Throw ‘i le taeao ‘o le Aso Tofi.

‘E ūi ‘e lē ‘i manuia taumafaiga ‘a Rose ‘i le Finals, ‘ae ‘ua ia ‘ausia le matāti’a fou ‘o le ulua’i tagata Pasefika ‘ua sao atu ‘i le Finals ‘o le Men’s Discus ‘i le silia ma le 68 tausaga. ‘Ua fa’amālō le taumafai Alex, ‘ua fa’afetai le loto nu’u, fa’afetai mō lou sao tāua ‘i lea ta’aloga, ‘aemaise ‘o lau taumafai mo Sāmoa.

ATA: Sāmoa Capital Radio