Vave vevela Niu Sila, nai lō tūlaga na valo’iaina – NIWA

‘Ua fa’aalia ‘i ni fa’amaumauga fou mo le suiga ‘o le tau, ‘ua nofo sāuni Niu Sila ‘i se tau ‘o le ‘ā fa’asolosolo lava ‘ina vevela, ma ‘o le ‘ā vave atu nai lō tūlaga sa valo’iaina.  Na tā’ua ‘e Andrew Tait ‘o le NIWA, le vāega su’esu’e mo le tau, ‘e tāua tele mō atunu’u ‘ona fa’aaogā fa’amaumauga pito lata mai ‘e tāpena ai mō ni pēfea ‘o le ‘ā tutupu mai. 

‘Āfai ‘e fa’atuai ‘e atunu’u ‘o le lalolagi ‘ona fa’aitiitia kasa ‘o’ona po’o le kāpone, ‘o le ‘ā 3 tikeri ‘e vevela atu ai Niu Sila ‘i le fa’ai’uga ‘o le seneturi nai lō le tau ‘o iai ‘i le taimi nei.  Pe tusa ma le 1.1 tikeri ‘ua vevela atu ai tau nai lō le tūlaga na iai ‘i le ‘āmataga ‘o le seneturi lona 20.  Sa fa’aaogā ‘e le NIWA ni polokalame ‘ua fa’atūlagaina ‘i le tau mai ni komipiuta saosaoa po’o se supercomputer ‘o lo’o fa’aaogāina mō ia su’esu’ega fa’apitoa. 

Link to RNZ (Article) translated by Savelina Kasiano: https://www.rnz.co.nz/news/national/528374/nz-to-get-hotter-faster-than-previously-expected-niwa

ATA: Sāmoa Capital Radio (file).