Vala’au toe fa’afo’i ni falaoa ‘a le Vogel ‘ona ‘o fasi u’amea

‘Ua tāpā ‘e le kamupanī ‘a le Goodman Fielder New Zealand Ltd, le toe fa’afo’i atu ‘o nisi ‘o a lātou falaoa ‘o le itū’āiga ‘o le Vogel ‘i le Motu ‘i Saute, ‘ona ‘o lo’o iai le taumatega, ‘ua maua ai ni fasi u’amea ‘i totonu.  Na fa’aalia ‘e le Fa’alāpotopotoga mō le Saogalēmū ‘o Taumafa ‘a Niu Sila, lona lagolagoina ‘o lea fa’ai’uga ‘a le kamupanī. 

Na tā’ua ‘e Vincent Arbuckle le sui fa’atonu sili ‘o le fa’alāpotopotoga, ‘o le atugaluga ‘i ia ‘oloa, ‘ona ‘o le ono iai ‘o ni tama’i u’amea. 

‘Ua fautuaina tagata na fa’atauina ‘itū’āiga falaoa ‘ese’ese ‘e 6 ‘o le Vogel ‘i le Motu ‘i Saute ‘o lo’o iai le (best-before date) aso 15 ‘Aukuso ‘ina ‘ia siaki āga’i ‘i ‘oloa ia ‘ua tu’uina atu ‘i le lisi ma toe fa’afo’i ‘i le fale’oloa na fa’atauina atu ai ‘ae toe fa’afo’i atu a lātou tupe.  Po’o le lāfoa’i loa ‘i le lāpisi.  ‘E tusa ma le 8000 falaoa ‘ua a’afia ai pei ‘ona fa’aalia ‘e Arbuckle.  ‘E le’i iai ni līpoti ‘o nisi ‘ua āfāina ai po’o se fa’aseā fo’i ‘ua fa’ao’oina atu mai ni tagata fa’atau.

Link to RNZ (Article): https://www.rnz.co.nz/news/business/962922/various-vogel-s-bread-recalled-due-to-the-possible-presence-of-small-pieces-of-metal

IMAGE/ATA: Supplied / Ministry for Primary Industries