Vala’au le Iuni ‘a tausi soifua ‘i le atunu’u ‘ina ‘ia solo tete’e ‘e fa’atatau ‘i finauga ‘i totogi ma le Health NZ

‘Ua vala’au le Fa’alāpotopotoga ‘a Tausi Soifua ‘a Niu Sila ‘i o lātou sui ‘i le atunu’u ‘ātoa ‘ina ‘ia faia le solo tete’e ‘i le māsina ‘o Tēsema ‘e fa’atatau ‘i fīnauga ‘o totogi ma le Health NZ.  Na faia le pālota ‘a sui ‘o tausi soifua ‘i le Te Whatu Ora ma pāsia ai le faia ‘o le solo tete’e ‘i le aso 3 Tēsema ‘i le vā ‘o le 11 ‘i le taeao ma le 7 ‘i le afiafi ma faia fa’asolosolo ‘i itūmālō ‘i vāiaso ‘e lua mulimuli ane ai.  ‘Ua vaivai tausi soifua ‘o lo’o gālulue ‘i falema’i ‘i totonu ‘o Niu Sila, ‘ua lē fiafia, ‘ona ‘o le tele ‘o mea ‘e folafola atu peita’i, ‘e le’o fa’atāuaina la lātou gāluega.  ‘E matuā maualalo lava totogi ‘o lo’o ofoina atu ‘e le Soifua Mālōlōina pei ‘ona fa’aalia ‘e le iuni.  ‘E mo’omia ‘e tausi soifua ni si’itaga ‘o totogi ‘e talafeagia ma le tau ‘o le soifuaga ma fa’atāua o lātou tomai ma silafia pei ‘ona fa’aalia ‘e le iuni, lea ‘o lo’o fai ma sui ‘o tausi soifua pe tusa ma le 56,000 ‘i le atunu’u.

Link to RNZ (Article) translated by Savelina Kasiano: https://www.rnz.co.nz/news/national/534045/nurses-union-calls-nationwide-strike-over-pay-dispute-with-health-nz

ATA: Sāmoa Capital Radio (file).