Vala’au ‘ia faia se ‘au’aunaga tūto’atasi ‘e soālaupule matā’upu mā’ale’ale ‘i le vā ‘o ā’oga ma mātua

‘E to’atele tamaiti ‘ua ‘umi ma tele aso lē ā’oga ‘ona ‘o ni fe’ese’esea’iga ‘i le vā ‘o ō lātou mātua ma ā’oga. ‘Ua valā’au ‘i lātou ‘e fīnauina matā’upu mō tupulaga talavou, ‘ina ‘ia faia se ‘au’aunaga leai se totogi, ‘e fesoasoani ‘e soālaupule matā’upu mā’aleale ‘i le vā ‘o mātua ma ā’oga.

‘E lua ‘āiga na feiloa’i atu iai le RNZ, na ‘ave ‘ese ā lātou fānau mai ‘i ā’oga iā Fepuari, ‘ona ‘e talitonu ‘e le’o iai se lagolago a ā’oga mō mana’oga tūmau ‘a tamaiti. Fa’ailoa ‘e le Komesina mō tamaiti Claire Achmad, ‘o le matāfaioi ‘a ā’oga lātou te toe taumafai ‘e toe aumai tamaiti ‘i ā’oga, peita’i ‘e le’i mafai ‘ona fa’amalieina lea vāega.

Fa’ailoa ‘e se lōia sīnia mō tupulaga talavou Velda Chan, ‘e mafai ‘ona sa’ili ‘e mātua fautuaga mai le Komisi mō aiā tatau, lātou te iloiloina fa’ai’uga ‘e faia ‘e ā’oga, peita’i ‘e lē faigōfie ‘ona ūia ‘e mātua lea vāega. ‘O tamaiti ‘autistic ‘e tele ‘ina feagai ma fa’afītāuli fa’apea. ‘E iai mātua na līpotia ‘e le Leitiō Niu Sila ‘e fitu vaiaso ‘o nofo lana tama ‘i le fale, ‘ona na fīnau ma le ā’oga ‘e fa’amālosia le lagolago mō lana tama ‘e ui na ia feso’ota’i fo’i ‘i le Matāgāluega ‘o ā’oga.

Link to RNZ (Article) translated: https://www.rnz.co.nz/news/national/592156/calls-for-independent-dispute-resolution-service-for-schools-parents

ATA: SCR (file).