Vai tā’ele aupito ‘i taugatā ‘i Niu Sila

‘O le ‘a’ai ‘o Dunedin ‘i le Motu ‘i Saute faapea ma Tauranga ‘i le Motu ‘i Matu, ‘e aupito ‘i taugatā ai le tau po’o le totogi ‘e fa’aaogā ai o lātou vaitā’ele, po’o swimming pools, fa’atusa ‘i isi vāega ‘o Niu Sila.

‘O Dunedin ‘e $8.40 le tau mō se tagata matua ‘e tā’ele ai ‘i le vaitā’ele ‘o le Moana Pool, po’o le St Clair Hot Salt Water Pool po’o le vaitā’ele ‘o le Te Puna Whakaehu ‘i Mosgiel, ‘o Iūlai ‘o le tausaga na te’a nei na si’itia ai le 10 ‘i le tau mō vaitā’ele ‘o lea ‘a’ai.

Peita’i lā, ‘o le vaitā’ele aupito ‘i taugata ia, ‘auā ‘o le aai ‘o Tauranaga, ‘e $9.40 le tau mō le tagata matua ‘e fia tā’ele ‘i le Baywave complex.  ‘O isi vaitā’ele ‘o Tauranga ‘e $6.90 sene le tau, ‘ae iai fo’i ma vaitā’ele māfanafana po’o hot pools, ‘ia ‘e o’o le $27.30 mō le tagata matua.  ‘E ui ‘o ia tūlaga, ‘ae na tā’ua mai, ‘e to’atele pea tagata ‘e āga’i atu ‘e fa’amālū ai ‘i vaitā’ele nei ‘o Dunedin fa’apea ai ma Tauranga.

‘O le Baywave ‘i Mt Maunganui ‘e tusa ma le 300,000 afe le aofa’i ‘o tagata ‘e asiasi atu ‘i ai ‘i tausaga ta’itasi.

Link to RNZ (Article) translated by Lauano Ilaoa:https://www.rnz.co.nz/news/national/538289/the-country-s-priciest-pools-where-swimmers-pay-top-dollar