‘Uma le konekarate ‘a le Komesina ‘o Leoleo ‘i le 2025

‘Ua fa’ailoa mai ‘e le Komesina ‘o Leoleo, ‘o Andrew Coster, lona tu’ua ‘o le matāgāluega, pe ‘ā ‘uma lana konekarate ‘i le tausaga fou, 2025.

‘O le Aso 2 ‘o Aperila 2025, ‘e ‘uma ai le feagaiga ‘a le ali’i komesina, ma ‘ua fa’amaonia mai lona tu’ua ai ‘o le tofiga ‘i lea taimi.

‘O le ali’i lenei, ‘o Andrew Coster, na tōfia ‘e ‘avea ma komesina ‘o leoleo ‘o le mālō Niu Sila, mō le ‘umi ‘e lima tausaga, ‘iā ‘Aperila ‘o le 2020,  i le taimi  o le faigāmālō  a le tama’ita’i palemia ‘o Jacinda Ardern.

‘E tele nisi tūlāgā tofi sā galue ai ‘o ia ‘i totonu ‘o le matāgāluega, ‘a’o le’i tōfia ‘e ‘avea ma komesina ‘o leoleo.

 Sā galue fo’i fa’a-lōia ‘i le ‘Ōfisa ‘ o le Lōia Sili ‘a le mālō ‘i ‘Aukilani, ma ‘avea ma fa’atonu lagolago ‘o le Matāgāluega ‘o Fa’amasinoga.

ATA: Police Commissioner Andrew Coster. RNZ / Nick Monro.