Ua silia ma le tasi miliona tagata ua vave faia a latou palota

‘Ua silia nei ma le tasi le miliona le aofa’iga ‘o tagata ‘ua māe’a faia ā lātou pālota ‘a’o le’i o’o ‘i le aso āloa’ia o le faigāpālota tele, ‘e aofia ai le lata ‘i le to’a 160,000 na pālota ‘i le Aso Gafua.

‘O lo’o sili atu pea le aofa’iga ‘o tagata ‘ua vave pālota ‘i le taimi nei pe ‘ā fa’atusatusa ‘i le pālota ‘o le 2023, peita’i ‘e maualalo ifo nai lō le tūlaga sā iai ‘i le taimi lava lea ‘i le tausaga 2020.

‘E tusa ai ma fa’amaumauga pito lata mai ‘a le Komisi ‘o Faigāpālota (Electoral Commission), ‘e 159,994 tagata na faia ‘a lātou pālota ‘i le aso 2 ‘o Nōvema. ‘O lona uiga, ‘ua o’o atu nei ‘i le 1,074,416 le aofa’iga ‘ātoa ‘o tagata ‘ua vave faia a lātou pālota.

‘I le piliota lava lea ‘o le pālota ‘i le tausaga 2023, ‘e 860,668 tagata na faia a lātou pālota ‘a’o le’i o’o ‘i le aso āloa’ia ‘o le faigāpālota.  ‘Ae ‘i le tausaga 2020, na o’o atu ‘i le 1,282,028 le aofa’iga ‘o tagata na vave pālota.  ‘E lē ‘o aofia ‘i nei fa’amaumauga pālota na faia ‘e tagata Niu Sila ‘o lo’o aumau ‘i atunu’u ‘i fafo.

Link to RNZ (Article): https://www.rnz.co.nz/news/politics_election-2026/2315606/election-2026-early-voting-tips-over-1-million-mark

IMAGE/ATA: RNZ / Nate McKinnon