‘Ua lamatia o lātou ola ‘ona ‘o le Matāgāluega ‘o Ā’oga – Kolisi ‘a Teine Uēligitone

Na fa’aaogā ‘e tama’ita’i ‘o le Kolisi ‘a Teine ‘i Uēligitone lumāmaota ‘o le Palemene, ‘e fa’apei ‘o se potu ā’oga, ‘e fa’atino ai la lātou tete’e ‘ona o le tāpuniga ‘o le ā’oga mō aso ‘e lua, talu ai ‘e lē ‘ausia aiāiga mō le mālolosi ‘o fale ‘e fa’atatau ‘i mafui’e. 

Na tā’ua ‘e fa’apea, ‘o le faleā’oga pito telē ‘e lē ‘ausia tu’utu’uga mō fale ‘e fua ‘i mafui’e, ma na silafia ‘e le Matāgāluega talu mai le tausaga ‘e 2020, peita’i, na fa’ato’ā iloa ‘e le ā’oga ‘iā ‘Aperila.  Na fa’atutū ni kesi ‘i luga ‘o le mutia ‘i luma ‘o le lotoā ‘o le Palemene, ma sā va’aia ai tēneiti ‘o ‘ofu a lātou tōgiga ā’oga, ma a lātou masini komipiuta ma mea ‘e fa’aaogā ‘iā lātou ā’oga.  Pē ā ma le to’a 60 tēneiti sa iai ‘i le asō, sa va’ava’ai ‘e faiā’oga ma mātua.  ‘Ua vala’au mātua ma ‘āiga ‘o teine ‘o le Kolisi ‘i le Matāgāluega ‘o Ā’oga ‘ina ‘ia fa’ato’ese, ma ‘aua le manatu fa’atauva’a ‘i tūlaga lamatia ‘o a lātou fānau teine, pei ‘ona lipotia ‘i se fonotaga ‘e tapuni ai le kolisi.  ‘O le aoauli ananafi na faia ai se fonotaga, sa ‘āuai nisi ‘o fa’auluuluga ‘o le matāgāluega fa’atasi ai ma le inisinia ta’iulu.  ‘O le tala ‘a se tasi ‘o tamā ‘i sui ‘o le matāgāluega, ‘ua lamatia soifua ‘o a lātou fānau ‘ona ‘o i lātou, ma ‘e mānaia lava le fa’alogo atu ‘o fa’atoese sui ‘o le matāgāluega.  ‘O le Aso Gafua na iloa ai ‘e le to’a 1300 ‘o teine ā’oga, ‘e na’o le 15 pasene le mālosi ‘o lo’o ‘ausia ‘e le faleā’oga pito telē le Brook Block.

Link to RNZ (Article) translated by Savelina Kasiano: https://www.rnz.co.nz/news/national/525090/wellington-girls-college-students-say-education-ministry-put-them-at-risk

ATA: Wellington Girls’ College students set up a makeshift classroom on Parliament grounds. (RNZ) / Samuel Rillstone.