‘Ua fa’amāmā ‘e Niu Sila le fa’atapula’aina ‘o visa mō tagata asiasi mai atunu’u ‘o le Pasefika

‘Ua fa’asilasila fa’alaua’itele ‘e le Afioga ‘i le Sui Pālemia, Rt Hon. Vaovasamānaia Winston Peters, ‘o ia fo’i ‘o le Minisita ‘o le Vā ‘i Fafo ‘a Niu Sila ‘e fa’apea: ‘O le ‘āmataga ‘o Iulai 2025 ‘o le ‘a mafai ai ‘e tagata asiasi mai atunu’u ‘o le Pasefika, ‘e talosaga mō se visa asiasi mō Āotearoa, ‘o le ‘a mafai ‘ona asiasi mai ‘i Niu Sila ‘i le tele ‘o taimi latou te mānana’o ai mō le 24 māsina.

‘O se si’itaga mai le vaitaimi ‘o le 12 māsina ‘o lo’o iai nei, ‘ae ‘o le maualuga ‘o tūlāfono nofomau ‘e tūmau pea, ‘e lē suia.

‘I se isi suiga, mai ‘iā Nōvema ‘o le tausaga nei, ‘o ‘i lātou ‘e ‘ūmia tusifōlau ‘o se atunu’u ‘o le Pasefika ‘o lo’o malaga mai ‘Ausetālia ma se visa ‘Ausetālia – faigāluega, tamaiti ā’oga po’o se visa fa’alē’āiga – ‘o le ‘a lē toe manaʻomia se visa ‘e asiasi mai ai ‘i Niu Sila mō le tolu māsina.

‘O lenei visa ‘o le ‘a faʻataʻitaʻiina mō le 12 māsina.

‘E mana’omia ‘e tagata femālagaa’i le fa’atumuina ‘o le New Zealand Electronic Travel Authority (NZeTA) ‘e ulufale mai ai ‘i totonu ‘o le atunu’u.

Link to RNZ (Article) translated: https://www.rnz.co.nz/international/pacific-news/557843/make-it-easier-and-cheaper-new-zealand-eases-visa-restrictions-for-pacific-island-nations

ATA: RNZ / Marika Khabazi.