Tu’ufa’atasi fa’alāpotopotoga su’esu’e fa’asaiēnisi

by | Jan 24, 2025 | Niu Sila

‘O le ‘ā tu’ufa’atasia fa’alāpotopotoga ‘e tolu mō su’esu’ega fa’asaienisi ‘a le mālō – ‘i le Public Research Organisations ‘ae ‘o le ‘ā iai ma se isi fa’alāpotopotoga su’esu’e ‘o le ‘ā fa’avaeina mō tēkonolosi fou.  ‘Ua faia ia suiga ‘ina ‘ua māe’a ai se iloiloga tele ‘ua leva ‘ona fa’atalitali ‘i ai ma le līpoti muamua ‘a Sir Peter Gluckman.

Na saunoa le Minisitā ‘o Matā’upu fa’asaiēnisi, Fa’afotuga ‘o ni mea fou ma le Tēkonolosi, Judith Collins, ‘o ia suiga ‘o le ‘ā fa’ailogaina ai le fa’atūlagaga tele ‘o polokalame fa’asaiēnisi ‘a Niu Sila talu mai le 30 tausaga ‘ua tuana’i.  ‘O le asō lea ‘ua fa’aui atu ai le tofiga Minisitā ‘o ia matā’upu, ‘iā Dr Shane Reti.  ‘E le ō tutusa finagalo ‘o tagata ‘i lea suiga.  Na fa’aalia ‘e le isi peresetene ‘o le Asosi ‘o Saienitisi ‘a Niu Sila, ‘e la’itiiti lava se tali ‘e maua mō atugaluga ‘o le ‘au su’esu’e ma saienitisi ‘i ia fesuia’iga ‘ua faia.

Link to RNZ (Article) translated by Savelina Kasiano: https://www.rnz.co.nz/news/national/539772/crown-research-institutes-to-be-merged-science-sector-revamp-draws-mixed-reaction

ATA: Sāmoa Capital Radio (file).