Tusa ma le 40 tafolā na pa’ulia ‘i se matāfaga ‘i Northland ananafi (Aso Sā 24 Nōvema)

‘E tusa ma le 40 le aofa’iga ‘o ni tafolā na pa’ulia ‘i se tasi ‘o matāfaga ‘i le itūmālō Northland ‘i le afiafi ‘o le Aso Sā ananafi, mā ‘e faitau selau tagata sā fesoasoani ‘i gāluega mō le fia fa’asaoina mai ‘o ia i’a, ‘ina ‘ua pē le tai.  ‘O le matāfaga ‘i Ruakaka lea na līpotia mai ai lenei fa’alavelave na fa’ailoa mai ‘e le Fa’atonu ‘o le Polokalame Fesoasoani mō le fa’asaoina ‘o tafolā, lea ‘e fa’aigoaina ‘o le Project Jonah, ‘o Darren Grover, sā taumafai tagata fesoasoani ‘ina ‘ia lāvea’ia nei i’a ‘a’o le’i pē le tai peita’i ‘o le tele lava ‘o tafolā na i’u ‘ina to’alia ‘ina ‘ua pē le tai.

‘O le tele lava ‘o ia nei ‘e 40 na pa’ulia, sā mafai ‘ona fa’asaoina mai, ‘ona ‘o le gāluega fesoasoani ‘a tagata sā a’afia ai ananafi.  Peita’i, ‘e fa tafolā ‘e le’i mafai ‘ona fa’asaoina ma mamate ai, ‘i le matāfaga ‘i Ruakaka.

Link to RNZ (Article) translated by Lauano Ati Ilaoa: https://www.rnz.co.nz/news/national/534688/almost-40-whales-refloated-after-stranding-at-northland-beach

ATA: About 40 pilot whales stranded on Ruakākā beach on Sunday afternoon. Photo: Facebook / Joseph Hack/ RNZ