Tūla’i luma le fa’amasinoga ‘i Hamiltone le tinā na gāoia lavalava ,a ‘oloa mai ‘i fale’oloa

‘O le vaiaso nei na tūla’i ai luma le fa’’amasinoga fa’aitūmālō ‘a Hamiltone le tama’ita’i 24 tausaga lea na faia amioga ‘o le gāoia ‘o lavalava ma ‘oloa o taumafa ‘e silia ma le $12,000 lona tau aofai. Sa maua Rosea Heurea ‘o gāoia lavalava pe ā ma le fa’a 19 ona gāoia, ‘a’o tatala ai ‘i tua ‘e fa’atalitali le aso ‘o le isi ona fa’amasinoga ‘i le tausaga talu ai.

Sa ia āmoina se pepe ‘a’o faia ia amioga, ma ia tau fa’afefe tagata faigāluega ‘i se tama’i naifi pe ‘a taumafai ‘e taofi ia ma ‘oloa gaoi. ‘E 30 mōliaga na mōlia ai ‘e aofia ai gāoiga ‘e 22, ‘e aofia ai gāoiga o ‘oloa ‘e 10 ‘e silia ma le ta’i’ $1000 le tau. ‘O le tausaga talu ai na ia gāoia ai lavalava, ‘oloa ‘o taumafa, kulimi ma vali teuteu tino mai ‘i fale’oloa ‘o le Chemist Warehouse, Rebel Sport, Woolworths ma le Warehouse.

‘E 21 māsina ua nofo sala ai le falepuipui, ma tu’utu’uga ‘ā māgalo ‘o le ‘a fa’asā ona toe tagofia fuālā’au fa’asāina ma le ‘ava mālosi.

Link to RNZ (Article) translated: https://www.rnz.co.nz/news/national/564661/rosey-heurea-jailed-for-stealing-more-than-12k-in-goods-during-hamilton-crime-spree

ATA: Rawpixel Ltd (RNZ).