Tūlaga ‘o Iunivesetē ‘i le fa’atūlagaga ‘i le lalolagi

‘Ua fa’aleleia le tūlaga ‘o Iunivesetē ‘e 4 mai ‘i Iunivesetē ‘e 8 ‘a Niu Sila, ‘i le fa’atūlagaga ‘o Iunivesetē ‘i le lalolagi. ‘E silia ma le 1500 Iunivesetē mai ‘i atunu’u ‘e 106 na fa’atūlaga mai ‘e le  QS World, fua ‘i su’esu’ega na faia ‘i i’uga ‘o taumafaiga ‘a tamaiti ā’oga, fa’apea le fua ‘o nūmera ‘o faiā’oga ‘i tamaiti ā’oga ma su’esu’ega ‘i faiā’oga ma ō latou tomai.

‘O le Iunivesetē ‘o Aukilani na pito maualuga lona tūlaga, lona 65 ma isi Iunivesetē ‘e 7 na fa’atūlaga mai le vā ‘o le 197 ‘i le 410. ‘O Iunivesetē ‘a Otago, Massey, Victoria ma le AUT, ‘ua fa’aleleia ō latou tūlaga, ‘e aofia ai ma Otago ‘i le 200 pito i luga mō le taimi muamua talu mai le 2022. ‘I lona aotelega, o Niu Sila ‘e tūlaga 5 ‘i le lalolagi, i le maualuga ma le lelei ‘o ana a’oa’oga mō Iunivesetē.

Link to RNZ (Article) translated: https://www.rnz.co.nz/news/national/564600/where-new-zealand-universities-rank-internationally

ATA: RNZ.